Ինչպես օգտվել խոհանոցային դանակից շեֆ-խոհարարի պես

.png)
Ժուլիեն (ձողիկանման կտրվածք)

Բանջարեղենը կտրատեք բարակ ու երկար, օրինակ՝ վարունգ, գազար, պղպեղ և ցուկինի։ Նախ քառակուսու տեսք տվեք բանջարեղենին՝ կտրելով վերին մասերն ու կողքերը, ապա երկայնքով կտրեք երկար, բարակ շերտերի։ Յուրաքանչյուր շերտը կտրեք լուցկու ձողիկների պես՝ ոչ ավելի հաստ, քան իրական լուցկին։
Ե՞րբ օգտագործել. Տապակած կերակրատեսակների և սոուսների համար, որտեղ ցանկանում եք, որ ամեն ինչ արագ և հավասարաչափ եփվի։ Հիանալի է նաև հում կերակուրների համար, ինչպիսին է գազարով աղցանը։
Բատոնետ (հաստ լուցկու ձողիկ)

Նույն ձևն է, ինչ ժուլիենը, բայց շատ ավելի հաստ՝ մատիտի հաստության։ Քառակուսու ձև տվեք բանջարեղենին, կտրեք ուղղանկյունաձև շերտերով, ապա կտրեք հաստ ձողերի։
Ե՞րբ օգտագործել. Սա տապակած կարտոֆիլի կտրվածքն է և կատարյալ է բանջարեղենային ձողիկները սոուսի հետ մատուցելու համար։ Եթե փոքր խորանարդներ պետք է կտրատեք, սա պրոցեսի մի մասն է։
Շիֆոնադ (ժապավենի կտրվածք)

Նախատեսված է տերևավոր կանաչիների և խոտաբույսերի համար, այս տեխնիկայի շնորհիվ ստանում ենք գերբարակ, թղթանման ժապավեններ։ Բոլոր տերևները միասին դրեք, փաթաթեք գլանակի պես, ապա կտրեք փաթաթվածքի երկայնքով՝ բարակ ժապավեններ ստանալու համար։
Ե՞րբ օգտագործել. Երբ ցանկանում եք ավելի ուժգնացնել խոտաբույսերի համը՝ նվազագույն վնաս հասցնելով տեքստուրային. կատարյալ է զարդարելու կամ ձվածեղի վրա ցանելու համար։
Կտրատել (կոպիտ կտրվածք)

Բանջարեղենի մեծ կտորներ, որոնք պարտադիր չէ, որ միատեսակ լինեն, հաճախ խոշոր խորանարդների պես է կամ կիսալուսնաձև։ Սա, հավանաբար, այն տեսակն է, որն օգտագործում եք սոխ, կարտոֆիի, գազար և պղպեղ կտրատելիս։
Ե՞րբ օգտագործել. Խիտ շոգեխաշուկների և ապուրների համար, որտեղ ցանկանում եք տեսնել և զգալ բանջարեղենի տեքստուրան։ Կատարյալ է, երբ բաղադրիչները երկար ժամանակ պետք է եփվեն և փափկելու են ջերմային մշակման արդյունքում։
Խորանարդներ (փոքր, հավասար խորանարդիկներ)

Այս հավասար խորանարդները հանդիպում են խոհարարության բոլոր ոճերում։ Հեշտացրեք ընթացքը՝ բատոնետով կտրված բանջարեղենը կտրատելով փոքր խորանարդիկների։
Ե՞րբ օգտագործել. Սոուսներ, ձվածեղներ, չիլի և ապուրներ, ինչպիսին է մինեստրոնեն, որի համար ցանկանում եք ամբողջական տեքստուրա։ Երբ կասկածում եք՝ ինչպես կտրատել, այս կտրվածքը հրաշալի է բաղադրատոմսերի մեծ մասի համար։
Բրունուազ (մանր խորանարդիկներ)

Ամենափոքր դայսն է՝ խորանարդները, բայց ոչ այնքան փոքր, որքան mince-ը՝ շատ մանր կտրատելը։ Սկսեք ժուլիենով կտրված բանջարեղենից և ապա լայնակի կտրատեք մանր խորանարդիկների։
Ե՞րբ օգտագործել. Նուրբ սոուսներ, որտեղ կտորները կամ գնդիկները ցանկալի չեն։ Օգտագործեք ֆրանսիական բորդելեզ կամ ցանկացած այլ սոուսի համար, որտեղ բանջարեղենը պետք է միախառնվի։
Mince (ամենանուրբ կտրվածք)

Ամենափոքր հնարավոր կտորները սոխի, սխտորի և բուրավետիչների համար։ Կատարյալ է նաև սունկի համար՝ դուքսել պատրաստելիս։
Ե՞րբ օգտագործել. Երբ ցանկանում եք, որ բանջարեղենը կամ բուրավետիչները գրեթե անհետանան ուտեստի մեջ։ Կարևոր է հում կերակրատեսակների համար, ինչպիսիք են սալսան, պիկո դե գալոն կամ մինյոնետ սոուսը, և ցանկացած այլ ուտեստում, որտեղ ցանկանում եք առավելագույն համ՝ նվազագույն տեքստուրայով։
Եվ վերջում

Սովորեք այս կտրվածքները, և ձեր խոհարարական հմտություններն ավելի լիարժեք ու պրոֆեսիոնալին մոտ կլինեն։ Սկսեք ամենապարզ տեսակներից՝ chop, dice և mince, ապա անցեք ավելի նուրբ տեխնիկաներին, երբ ավելի լավ կտիրապետեք մատների դիրքին ու դանակին։ Իսկ եթե կտրատել չեք սիրում, mastro-ի բաղադրիչների զգալի մասը ձեր խոհանոց է գալու արդեն կտրատած ու նախապատրաստած։